martes, 17 de noviembre de 2009

Darwin e o Mercado


Cando apareceu a idea da "Selección Natural", todo o mundo o traduciu coma a "Supervivencia do máis forte" que fai morrer aos febles e mellora a raza. Isto conleva á chamada Euxenesia Nazi na que había que matar ou castrar (cousa moito máis humana) a disminuídos, enfermos mentais e físicos, a xitanos e xudeus...

Esta mesma Euxenesia é a que practica o mercado. Nos mercados existen grandes empresas fortes con multitude de prácticas que os fan "Competitivos". A lóxica do mercado fala da "selección natural" no sentido de que os máis competitivos prevalecen sobre os máis febles. Isto incluso chega a ámbitos políticos e análises da crise onde o problema está "na falta de competitividade das empresas españolas" o cal, lendo entre liñas, acaba sendo que ou somos competitivos, ou nos extinguiremos coma os dinosaurios.

Non son un purista do uso dos idiomas, pero sei ben que o seu uso dun determinado xeito modifica as opinións e ata manipula. Se podemos dicir Armas de destrucción masiva en lugar de Armas nucleares, e se falamos de danos colaterais en lugar de morte de inocentes, deberemos dicir que A selección natural darwinista non é a supervivencia do máis forte!. E o digo porque a selección natural, é a supervivencia do máis adaptado.




Se fose a supervivencia do máis forte, teriamos que fuxir na actualidade deses fortísimos Tiranosaurios Rex que tanto medo daba en Jurasic Park, e a evolución crearía unha especie de Gozzila que nos dominaría a todos. En cambio, os mamíferos, comemos menos, e somos capaces de regular o noso calor corporal, non somos máis fortes, somos máis adaptados. Ante unha escasez de alimentos, morrerá antes Gozzila que calquera hamster caseiro. O problema é que Gozzila come moito e fará escasear moito os alimentos dos que necesitan menos, antes de morrer. Máis nos valería matar a Gozzila de fame porque ao cabo, vai morrer igual, pero de que coma máis ou menos dependerá que sobrevivamos o resto.

Pero disto non se deron conta no mercado, no que fan Gozillas baixo a idea de que esta é a única forma de supervivencia. Así están as grandes empresas petroleiras, as automobilísticas, os supermercados... Hai outras especies coma as pequenas empresas, cun coñecemento directo das necesidades do cliente e unha fidelidade por parte deste, que se aínda por riba, son ecolóxicas e pagan salarios xustos, serían capaces de superar calquera crise e mellorar.

A pregunta é, extinguiranse os Gozzilas antes de arrasar estas empresas? Ou extinguiranse despois? O que vemos é que non só se extinguiran despois (a destrucción é obvia: abandono do rural, modelo de supermercado, productos baratos de mala calidade, consumismo...) senón que os estados e os organismos internacionais pugnan pola supervivencia, case con osíxeno, destes entes inadaptados e perigosos.

Así que lembremos que estes Gozzilas comen pretroleo, e o petroleo remata (hai datos que indican que a producción de petroleo só pode baixar), os biocombustibles, que contaminan igual que o resto, precisan de moita extensión de terreo para cultivarse, en definitiva, que se deixa de facer comida para persoa por facer comida para coches... podería seguir, pero sería perderme.

En definitiva e como conclusión. EVOLUCIONEMOS. Adaptémonos á realidade e fomentemos o sostible. E se alguén quere seguir co modelo Gozzila... en fin, ao mellor os organismos que nos substitúan o farán mellor...

Reflexiones de Xacobe

No hay comentarios:

Publicar un comentario

Participa:Necesitamos tu ayuda

Comenta, queremos hacer es Blog se uno de los mejores Blog de Vigo (PONTEVEDRA), pero si quieres escribir entradas
Sin necesidad de ser un experto, solo queremos que escribáis de los que os guste.. Música,Deporte,Noticias,Amor, Vigo, lo que queráis.
Si lo prefieres puede enviar un correo a: